كل جديد، كل الحصريات ، من أفلام أجنبية و عربية ، مسلسلات ، أغانى سينجل عربية و اجنبية، ألبومات كاملة، تحميل لا حدود له ، ألعاب ، حوار عام ، سياسة ، حب ، أدب ، المنتديات الشعرية ، المنتديات الرياضية ، الأهلى و الزمالك ، مصارعة المحترفين ، عروض السماك دون ،
 
الرئيسيةالبوابة*س .و .جبحـثالأعضاءالمجموعاتالتسجيلدخول

شاطر | 
 

 رئيس الجمهورية وتحرير فلسطين ..(فيه حد عنده أعتراض)(أنا بكره اسرائيل)؟؟؟؟؟؟؟؟؟؟

اذهب الى الأسفل 
كاتب الموضوعرسالة
WISSO
قلب منتديات ويسو العرب
المدير العام
قلب منتديات ويسو العرب  المدير العام
avatar

ذكر
عدد الرسائل : 447
البلد : أم الدنيا
   :
الأوسمة :
تاريخ التسجيل : 27/05/2008

مُساهمةموضوع: رئيس الجمهورية وتحرير فلسطين ..(فيه حد عنده أعتراض)(أنا بكره اسرائيل)؟؟؟؟؟؟؟؟؟؟   الإثنين يونيو 16, 2008 1:23 am





رأيت فيما يرى النائم أن جني المصباح أتى إلي وخيرني في أمنية

فطلبت منه أن تكون ثلاثة ولكنه رفض!! حينها تدللت عليه وقلت له: إرحل عني أيها الجني لا أريد أمنياتك. وبعد الأخذ والرد توصلت معه إلى حل وسط وهو أن أتمنى كل أمنية على حده فإن راقت لي او أعود عنها!!
اتفقنا على السابق على أن تكون كلمة السر بيني وبينه (أنا بكره اسرائيل)

الأمنية الأولى
أردت أن اكون زعيم عربي مسلم ذو قوة وبأس لديه الامكانيات والقدرات على تنفيذ احلام المسلمين في الدفاع عن الاسلام والمسلمين فلم أجد غير شخصية الرئيس (...)مفصلة حسب رغباتي!!
قلت للجني .. أريد أن اكون (..)بشخصية وفكر صلاح الدين الايوبي ... فضحك كثيرا وقال : متأكد يا بيه؟
قلت له...)بمنصبه الحالي مع شخصية وفكر صلاح الدين ... نفذ والا ... !!
فقال : خلاص خلاص حنفذ ... بس متنساش كلمة السر!!

صباح السبت
صحوت من نومي وإذا بي في غرفة نوم كبيرة ... فعرفت على الفور أن الامنية تحققت!
بدأت اجهش بالبكاء بدون سبب اعرفه، وعلى الفور تناولت الريموت لأشاهد قناة الجزيرة!
رأيت ما يحدث في غزة وما يحدث في افغانستان والدموع أبت أن تتوقف من عيني!
طرق على الباب ثم هذا الرجل الضخم يدخل الغرفة ويتقدم مني: سيادتك الفطار جاهز
قلت له: مش عاوز فطار ... هات لي كباية شاي غادر على الفور .. وقمت انا بدوري ابحث عن (بدلة) لألبسها واذهب الى مكتبي
حين دخلت المكتب رأيت حركة غير اعتيادية في المكتب (اللي سامعته يقول20 سنة حاكم)، وأناس تسرع الخطا واناس تقف على الممر ترسم ابتسامة مصطنعه
انا عاوز اجتماع للوزراء حالا
حاضر سيادتك ... بس وزير الرياضة في ايطاليا حاليا
يجيني دلوقت بطيارة خاصة .. اجتماع بعد ساعتين بالكتير

انا جمعتكم اليوم علشان ندرس خطة عسكرية لتحرير فلسطين
من الارهابيين حضرتك؟
ايوه .. امال من مين؟
بس حضرتك دول مسلمين زينا زيهم وعرب كمان ... الجامعة العربية مش حتوافق بالاجماع!
عرب مين يا بهيمة ... بقول نحرر فلسطين من الاسرائيلين !!
يبقى الجامعة العربية حترفض بالاجماع!
مين جاب سيرة الجامعة العربية ... حنحارب لوحدنا
بس يا ريس ... لازم دول الجوار على الاقل يكونوا معانا
طيب .. شوفوا (أمين جامعة الدول العربية)وقولوا الريس مصمم على الحرب حتى لو دخل الحرب لوحده

الاربعاء
سيادتك دول الجوار وافقت بشرط السرية التامة وبدون اي اشتراك في الحرب او طلب معونات وخلافه
ماشي ... هاتوا لي وزير الحرب

كم يوم علشان نسيطر على كامل فلسطين؟
اسبوع بالكتير سيادتك
امتى نبدأ ؟
بعد يومين لو عاوز
السبت كويس؟
كويس اوي
اوكي نفذ .. وانت بنفسك تشرف على العمليات
حاضر سيادتك

الخميس
ايه الغلبة اللي بره القصر دي
دي مظاهرات سيادتك
مظاهرات علشان ايه ؟
عاوزين انتخابات عادلة سيدتك
طيب ماتعملوا انتخابات عادلة
اتعملت الشهر اللي فات وفزت فيها سيادتك بالعدل بنسبة 99و99%
اها ... طيب انا حقول خطاب للامة دلوقت
حاضر سيادتك ... حنده وزير الاعلام

ايها الشعب المصري المسلم، اعلن انا رئيس البلاد أنني اتنازل عن كرسي الرئاسة لمن تروه أحق مني في هذا المنصب، وكل من يرى في نفسة المقدرة على تحمل الامانة فليرشح نفسه. وأنا اعلن لكم أنني لن ابقى في منصبي هذا حال وصول الترشيح منكم. والله على ما اقول شهيد.

الجمعة
سيادتك وصلت الترشيحات الاولية

طيب كم عدد اللي رشحوا ؟
مليون حضرتك
والباقي ؟
رفضو الترشيح .. معظمهم اصيبوا بالاحباط !!
اها ... ربنا يستر ليوم السبت وكل ده يتغير

السبت
خبر عاجل .. انهالت الصواريخ على تل ابيب صباح اليوم هذا وقد بدأ الجنود بالدخول الى فلسطين عن طريق معبر غزة.
اصدرت الجامعة العربية بيانا استنكاريا عما يحدث من مغامرات غير مدروسة من قبل البلد المغيير ووصفت (العدوان) على أنه مغامرة غير محسوبة!
وفي نفس السياق اصدرأحد المرشحين للرئاسة البوما جديدا عنوانه (انا بحب اسرائيل)
الاحد صباحا
فين وزير الحرب ؟
ايوه سيادتك
ايه اللي حاصل في الجبهة ده ... مين امر بالانسحاب؟
معرفش سيادتك
ازاي متعرفش؟ فين الوزراء ؟
ما بيردوش على تلفوناتهم سيادتك
تجيبهم لي من تحت الارض
حاضر سيادتك

الاحد مساء
سيادتك الوزراء سابوا البلد
راحوا فين؟
على امريكا سيادتك واقاموا حزب ضد سيادتك
يعني ايه ؟ طلباتهم ايه ؟
لا للحرب !!
طيب الجيش عامل ايه ؟
رئيس الاركان سيادتك هو اللي طلب منهم الانسحاب
وانت فين يا بهيم انت ؟
انا سيادتك بنفذ الاوامر
اطلع بره
حاضر سيادتك
أنا بكره اسرائيييييييييييييييييييييييييييييييل
وصحوت من نومي فاذا بي في غرفتي والجني واقف على رأسي يقهقه بصوت عال !


عدل سابقا من قبل WISSO في الأحد يونيو 29, 2008 1:32 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shabab-online.com
براءة
عضو مبتدأ
عضو مبتدأ
avatar

انثى
عدد الرسائل : 46
العمر : 29
البلد : مصر
   :
تاريخ التسجيل : 26/06/2008

مُساهمةموضوع: رد: رئيس الجمهورية وتحرير فلسطين ..(فيه حد عنده أعتراض)(أنا بكره اسرائيل)؟؟؟؟؟؟؟؟؟؟   السبت يونيو 28, 2008 4:43 pm

لو عندي الجني ده كنت خليته هو إلي يعمل العملية ده كلها ويدمر إسرائل لأني فقدت الأمل في أي زعيم ممكن يكون

شكرا يا ويسو على الموضوع الجديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
WISSO
قلب منتديات ويسو العرب
المدير العام
قلب منتديات ويسو العرب  المدير العام
avatar

ذكر
عدد الرسائل : 447
البلد : أم الدنيا
   :
الأوسمة :
تاريخ التسجيل : 27/05/2008

مُساهمةموضوع: رد: رئيس الجمهورية وتحرير فلسطين ..(فيه حد عنده أعتراض)(أنا بكره اسرائيل)؟؟؟؟؟؟؟؟؟؟   الأحد يونيو 29, 2008 1:35 am

براءة كتب:
لو عندي الجني ده كنت خليته هو إلي يعمل العملية ده كلها ويدمر إسرائل لأني فقدت الأمل في أي زعيم ممكن يكون

شكرا يا ويسو على الموضوع الجديد


والله يا براءة عندك حق بس والله مش عرفين
ممكن يجى واحد ابن حلال يحلنا المشكلة دى

بس على الفكرة المشكلة ولا فى اسرائيل و لا فى حكومتنا

المشكلة فينا احنا

أول ما احنا الاول نتعدل يبقى ربنا يسهل

على العموم شكرا على مرورك يا براءة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shabab-online.com
 
رئيس الجمهورية وتحرير فلسطين ..(فيه حد عنده أعتراض)(أنا بكره اسرائيل)؟؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ويسو العرب :: منتديات ويسو العامة :: المنتدى العام-
انتقل الى: